عايز تعرف يعني ايه نجاح وتمنه كام؟
١- اول خطوات النجاح انك تفهم ان طريق النجاح صعب انك ترتاح فيه.
٢- طريق النجاح مليان مغامرات لذلك يجب ان تكون شجاع ومغوار وبتعرف تطلع أفكار.
٣-وانت رايح للنجاح إحساسك ذي السباح مش عارف تتنفس وانت بتتحرك يدوبك بتطلع رأسك فوق تتنفس وتنزل تحت تاني علشان تعرف تكمل.
٤-خلي بالك من الناس اللي واقفين في الطريق الى النجاح معظمهم تشتيت وضياع وعرقلة ليك وقليلين قوي اللي هايسعدوك.
٥-كل ماتحس ان الدنيا ضلمت عليك ومفيش أمل أفتكر انك تعبت كتير وحط حلمك قدامك وماتيئسش هو اللي هايديك الدافع انك تكمل.
٦-حاول دائماً تعرف نقط قوتك وتستفيد منها في طريقك وتجنب الأمور اللي هاتظهر ضعفك اللي المفروض تكون عارفو كويس.
٧- اول ماتحس انك وصلت للنجاح اعرف انك لسه بتفتح الباب ، خلي بالك ليقفل على صباعك. ماتوقفش لحد ماتتأكد ان النجاح اصبح اُسلوب حياتك.
٨-اول ماتنجح فعلاً ماتنساش كل واحد ساعدك وأمن بيك ووقف جمبك في طريقك لتحقيق حلمك.

تمنه كام النجاح؟ تمنه غالي قوي ، تمنه وقت ومجهود وتضحيات وحروبات وقسوة وتحمل وضغط ومواجهات.

لو قد النجاح متفكرش ترتاح

الكسيب,برنامج الكسيب